安排咗求職者同國內某公司進行phone interview，時間係9點，由於個職位都幾senior，冇諗過9:30已經收到國內HR電話，換言之呢次phone interview只係用咗半個鐘，就聽下求職者衰啲乜？
國內HR：「你們說這個羅先生以前做大品牌，我就相信了，簡歷都沒下載，早上通電話前才列印，沒聽過那品牌呀！」
我一頭霧水，點會未聽過羅生嗰間舊公司呀？呢頭打返畀個求職者，我上司同時又打畀嗰位國內HR了解。
我：「羅生，今朝個phone interview唔順利咩？」
羅生：「佢話未聽過我舊公司喎，問咗幾次，答咗幾次，佢都話唔識，然後佢好似對我冇興趣喇，態度麻麻，趕住收線咁。」
我：「你舊公司Longchamp喎！」
羅生：「Longchamp呀，佢公司做袋都唔識呢個牌子，好難入去做喎！」
另一邊廂，我上司喺電話對住嗰位國內HR講：「對對對，就是瓏驤，餃子包很出名那個品牌瓏驤，好的，我再安排時間。」
當上司擰過嚟，未等佢開口我已經答咗：「羅生話唔適合，因為佢覺得個HR連競爭對手都唔識，好難再in。」
上司：「叫羅生寬容啲，我幾欣賞個HR喎，起碼佢冇留意競爭對手，冇諗過跳槽呀！」
CLS😂😂😂
腥港人以後見工淨係識普通話係唔夠架，隨時要記埋牌子嘅內地譯名，遇到啲名好相似都唔使慌張，例如雪碧、雲碧、雷碧，深呼吸一口氣，影分身嚟架啫，嚇你唔到既！
Search